呢個餸, 最0岩我, 過程簡單又易做. (基本上因為太複雜唔多會整, 所以搵到的食譜, 都係容易先做. )
咁食落又真係幾好味, 所以就post出來比大家試吓.

有興趣睇吓點製作, 就要回帖啦.
材料:
苦瓜 , 免治豬肉, 咸蛋黃 ２個
由於苦瓜有大有細, 豬肉日日唔同價,
我個份量就大概係咁.

喜歡那樣就自己落多d.

作法:
１）苦瓜切開去掉白色部份，洗乾淨然後切薄片。
２）咸蛋黃蒸熟然後用叉壓爛成茸。
３）豬肉用生抽、老抽、麻油、糖、豆粉及酒略醃。<–呢個係主要步驟.因為成個餸的味道都靠佢.
(我呢個份量的材枓就用了: 1.5湯匙生抽, 1湯匙老抽, 1荼匙麻油, 糖半荼匙, 豆粉1湯匙, 酒1荼匙…其實想咸d想甜d自己話事的. )
４）熱鑊落油先爆苦瓜，炒透之後鏟起；然後再炒熟豬肉，八成熟時再加入咸蛋黃茸，兜勻最將苦瓜回鑊，試味，熄火上碟。