我本人, 是十分喜愛吃印度咖哩, 咖哩款色有日本, 泰國, 巴基斯坦, 印度等多不星數. 但如果你問我最喜歡的, 我會話係印度的Masala curry. 真真好食都唔停到口. 而佢地D咖哩再配合埋佢地D烤餅, 簡直係一絕!!

Masala curry我就唔識得整啦, 呢種高難度的菜色, 我都想學!! 但烤餅(Naan), 我指用來配咖哩亁身果隻, 就容易好多. 係網上都有很多做法. 咁我就又搵左隻, 以最少材料來做的烤餅去試下. 因為我呢隻, 本身家中材料齊, 唔洗特地去落街買, 方便.

這個烤餅, 全程由預備材料到烤好, 大約會用2小時.

材料:

普通麵粉/中筋麵粉 300g (由於家中沒有中麵粉, 只好用200g高筋+100g低筋麵粉)

糖 3/4茶匙

鹽 3/4茶匙 (我自己唔想落這麼多鹽, 只下了1/4 ~ 1/3左右鹽 ^^”)

乾酵母3/4茶匙

油 10ml (tablespoon約14ml)

水190ml

步驟:

1. 先把乾酵母用溫水放一會.

2. 把麵粉+糖+鹽+油+酵母先搞拌一下, 再慢慢小小的, 小小的加水入麵粉. 要麵粉好好地吸收水份, 最好不要一下子全加進去.

3. 把麵糰放上枱面搓揉, 不用搓至出膜, 只要搓至麵糰不粘, 表面光滑便可(通常約30至40分鐘就得)

4. 預溫烤箱, 不用太高溫, 烤箱暖暖的保持約27~28度便可, 把麵糰放置大碗中, 外面蓋上保鮮紙, 再放入烤箱中保持溫暖和濕度, 發酵約30分鐘.

5. 取出排氣, 分成多個少份. 搓成圓糰, 用保鮮紙蓋上等15分鐘, 讓麵糰鬆弛, 就可以用擀麵棍把小麵糰壓平至2-3mm厚的薄片.

6. 把平底鍋燒熱, 放薄片至鍋中, 用慢火慢慢烤完一面到一面. 烤好就可吃得.

這個食譜最大特點是沒下鮮奶, 因為我是不喝鮮奶的, 家中長期是沒有鮮奶這類飲料的. 所以很啱我.