在酒店對面的咖啡店, 吃個早餐後便馬上出發到木津市場,

木津市場外面看到很多香港人在哪裏排隊等候入去某間食店, 我哋就唔排啦,直接入木津市場逛.

唔係間間有人排隊, 這間的海鮮明顯比較新鮮, 很多生蠔, 海膽, 魚生等, 即買即開, 二姊在這等了好些時候呢.

現場劏雞泡魚太殘忍了, 拍兩拍我都實在拍得下去了. 怕發惡夢.

而家姐終於等到佢選購了.

二家姐在做什麼？ 他是我們這個行程的秘書, 記錄低所有消費. 今次在木津, 合用花費了9938円. D水産十分新鮮, 鮮甜好味呢.

好緊張呀~開飯喇~

食完木津海鮮, 我們便馬上出發前往奈良.

到了奈良公園, 馬上買了用來餵鹿的草餅, 嘗試一下餵鹿, 過過癮.

二家姐開頭都好驚D鹿㗎, 不過到後來她還和鹿們來個互相點頭禮~好有趣！

啲鹿好親人㗎, 佢哋為咗食都會係咁追住你. 真的很可愛.

啲鹿身上冇咩味, 有得食真係任摸唔嬲, 網上傳聞佢哋咬人, 其實唔會囉, 佢哋只係想食你手上嘅草餅而已.

對有點兒潔癖的二家姐來說, 腳踩鹿屎是難以忍受的事.

穿過奈良公園, 便來到若草山. 當然拿拿林取出我張太座, 擺返個pose先.

由於我家姐比較少行山, 所以我陪佢行到若草山的一重目, 就沒有再上. 而昌就繼續自己行上去, 我們則在一重目等他.

以下呢幾張相就是昌再行上去所拍得的風景照. 真的很美麗.

當他落到一重目時, 大家稍作停留便回程. 因為我們還沒有吃午飯呢！肚子大唱空城計中…

落山時昌就咁跑落斜坡, 其實我真係有點兒心驚膽顫, 因為佢在旅行出發前三天, 腳眼深度拗柴, 成隻腳眼不但瘀黑, 還腫得像雞蛋一樣. 佢現在就咁跑落去, 如果再拗柴, 就真係唔知點算好囉~

行了山, 便行到車站附近一條食街去解決肚餓問題.

呢間食肆啲炸物好得！三個定食合共5104円. 算唔錯亦都好滿意.

嗱！ 就係呢間食肆啦.

之後搭火車返梅田, 碰巧是當地下班時間, 真係見證了人山人海嘅大陣象.

由於昨天食咗烤肉, 今天早上又食咗魚生, 於視乎大家一致認為今天晚餐就簡簡單單算了. 結果我在網上找到一間在酒店附近的拉麵店. 水準唔錯, 價錢亦唔貴. 三人合共3330円