早在約個半月前, 有跑友問我有沒有興趣去山東跑馬拉松原本是興趣不大的.
一來, 我打萛6月頭去台灣上玉山(順便興祝下生日), 二來, sars沒有回鄉證. 三來, 渣打之後, 我可以講話跑步進入冬眠期, 幾乎完全沒有操練咁滯.
只是跑友話: 半跑獎金好豐富. 上年跑第8個名才1小時4x….令我有D心動. 加上頭果3Day, 佢地會安排我地跑手食宿.
於是就在個半月前, 開始番我操練的生活…其實真係頭痕. 因為呢個多月, 正正又忙到飛起.. 又要搵資料. (因為跑完當然在當地玩下嘛).
結果係, 無時間, 搵唔到幾多資料…今次真係要膽粗粗咁去玩了.
終於辛苦都過去了. 我和sars相約了同行約30人, 一起出發去山東.
[AdSense-A]
Day 1.
由於真係沒時間找資料個心好亂, 根本就睡不著. 結果我4點就睡醒, 忙把之前找到的火車時刻表呀, 班次呀, 有什麼景點呀等列印好後, 已是早上6時多了.
我和sars匆忙搭上地鐵, 趕上了約好大隊. 大家閒談間, 才知到原來只要在上水站出閘一分鐘後再入閘去羅湖, 可以平車資$8. 真是估不到呢.
去到深圳, 我們搭上了330的機場巴士($20/人). 去到深圳機場.
到了東營, 因為人多, 我們包了一輛旅遊巴士到東營($90/人), 十分舒適咁直逹賓館門口.
