晚上今就準備好入睡, 那知上床沒多久, 左腰間就傳來一陣陣的痛楚, 以及伴隨著一陣陣的惡心, 很相嘔吐, 但又沒有嘔得成, 就是腰間傳來的劇痛, 令自己頭眼昏花, 痛得難以忍受, 於是同老公講: “快幫我打999, 我痛到忍不了.(T~T)”

於是當晚十字車就車了我入急症室, 可惜急症室就在太多人,  他們一見我就已懷疑我是個腎有問題..可是要得到診治, 都係要等. 我覺得香港的醫療根本就已爆晒煲!!! 我當時都痛到頭眼昏花, 痛到極點時, 就開始想睡. 等了接近6小時, 才能得到超聲波, 睇到我一邊個腎漲大左, 醫生話, 可能係有腎石塞住輸尿管, 引至腎臟發大. 要安排入院. 由於床位緊決, 都不能馬上去病房, 只能先幫我打點滴.

當時因為covid 19, 我本身又沒有打疫苗, 結果安排左我去獨立間….仲有個獨立厠所!

獨立間之外, 再有一個門才到出面大房.

之後我上到病房, 得到治療後, 很快又不痛了, 好似完全沒發生過事一樣. 醫生話我知係因為有腎石所以痛. 而有手機, 留醫其間沒事可做, 就上網睇有關腎石資料. 而我就要留醫幾日, 觀察一下. 但其間完全不可以進食….

結果, 我由6號晚上入急症室, 7號早上入病房留醫, 一直到9號早上才出院.  完本是要再留醫幾日, 因為要安排照x 光, 但我見自己完全唔痛, 工作又一直拖住做唔到, 只好同醫生講安排我出院, 而自己在出面照X 光, 再安排日期回醫院睇報告.

其間聯合醫院D醫生, 護士及姑娘需然忙得很, 但他們的服務很好, 很體貼. 這個要寫個讚!!!!

走前就拍下了病房.

我以為50+小時沒吃東西會減磅, 結果回到家磅一磅….一磅都沒減. (￣□￣|||）～*

之後18號, 去照了x 光, 報告自己都有睇到, 一次過發現原來自己兩邊腎都分別各有一粒 3mm以內的腎石!! 今次只係其中一邊造反… 之後對我來說, 是個不定時的炸彈..唔知幾時又會痛到死去活來. (╥﹏╥、)