這個菜我已煮過幾次了, 是網上找的食譜. 覺得唔萛複雜. 但網上教係煮上湯龍蝦伊麵. 但伊麵家中不是常備. 所以煮過幾次伊麵底, 就唔加伊麵, 就咁煮上湯龍蝦萛了.
今次是老公Sars生日, 所以在街市買左兩隻龍蝦. 好新鮮的龍蝦. 兩隻6百幾, 唔萛貴. 不過處理太新鮮的龍蝦都好頭痕. 因為平時D龍蝦一般放完尿, 佢都會好快仙遊, 咁樣會方便好煮, 但今次呢兩隻, 放左尿, 成半個鐘仲郁…..只好幫下佢.
等待佢仙遊其間, 我們要準備一下材料:
材料:
薑, 蒜頭(切粒), 蔥頭(切粒), 蔥段(切一些, 多少隨意)
材料:
- 龍蝦
- 薑,(切片)
- 蒜頭(切粒),
- 蔥頭(切粒),
- 蔥段(切一些, 多少隨意)
- 雞湯(250g 或更多, 視乎你隻龍蝦多大, 要多少汁而定)
做法:
- 把龍蝦切件. 基本上, 用刀係好難切…我主要用剪刀, 再用刀幫助的.
- 用kitchen paper印乾上面的水份, 然後用隻碟, 放上粟粉和鹽(海鮮本身有味, 不用加太多, 一茶匙多點就可以了), 拌勻. 然後用這些拌好的粟粉, 為龍蝦上粉.
- 開鍋滾油, 滾好後到中火, 油炸上好粉的龍蝦. 記得, 龍蝦鬚同腳, 一定要用刀背預先拷打一下, 令它表面有裂痕,. 這裏做除了吃的時候再容易開外殼, 更讓你在炸的時間更安全. 油炸時空氣無法快速在殼中排走, 會爆的. 每件龍蝦件大約要油炸2分鐘. 我用個細鍋子來炸, 可以用少些油, 炸時只要浸過面計2分鐘, 分批炸. 炸好後撈起備用.
- 燒熱油, 加入薑片爆香, 再加入蒜, 蔥頭, 蔥段, 少炒一會, 再加入龍蝦及上湯, 翻炒一會, 覺得所有龍蝦都沾有上湯, 有味就成. 如果下多了湯, 可以加生粉水埋茨.
