今天, 我們去韓國, 真是名符其實的早機去, 晚機返呢. 是香港呢邊半夜2點上飛機, 去到釜山, 完晒check out 時, 才不過是早上六點多…..

在飛機上, 可以睇到美麗的日出, 看著太陽, 從雲海中昇上來, 附近的雲都一片彩霞, 很美.

一到埗, 第一時間是充值Tmoney. 我和昌每人充值了W10000/人. 由於之前上網找資料時, 話釜山以外, 其他地區如麗水, 晉州時, 唔係咁多兌換店, 所以我們也打萛先在釜山兌換好韓圜才再上路. 而最多兌換店就是釜山站和南浦站一帶, 而我們今次, 就乘坐地下鐵路到釜山站, 在上海街一帶搵兌換店.

[AdSense-A]

<<圖中是釜山機場出來之後, 看到的釜山地鐵站, 向著它走過去搭地鐵便對了, 不遠, 才行十來分鐘的路而已.

<<這是網上找到的上海街地點圖, 走入去, 真的有不少兌換店.

<<看, 一大早上, 鬼影都唔見一隻. 成條街無人.
好在, 它們的麵包店也開得很早, 而而店內有雅座, 也有咖啡, 奶茶等售買, 於是在這間麵包店吃了個早餐.
兩位用了W9500

兌換好, 又吃飽了, 當然是馬上去晉州出發. 由釜山去晉州,  而在地鐵沙上站下車, 然後步行去巴士總站.

[AdSense-A]
網上資料是這樣寫的:

釜山西部市外巴士客運站位於地鐵２號線227沙上（사상、Sasang）站５號出口。
３號出口那邊似乎是巴士的出入道路。

出站後應該是往左邊，跟著指標走。看到apple outlet, 直走過去, 就會看到市外巴士客運站.
可以在那裏買到去晉州的巴士票. 由釜山到晉州Jinju (진주성), 每位W7700, 會共用了W15400, 我們在早上10:47開車, 到達時是12:45, 足兩小時行車.

下車後, 不忘找同車站是否有去 Jungsan-ri 中山里 (중산리)的巴士. 因為上智異山國立公園 jirisan (지리산국립공원), 就是搭車去中山里, 再行上山.

<<看到了. 🙂  😉

到了晉州, 為了方便 搭車, 所以我們就在客運車站附近找地方住宿.

圖中紅色圍著的地方, 那裏沿河一直走, 有很多motel. 由於住的地方多選擇, 實在是不用網上訂房, 可以去到睇啱先住都得. 而沿河的風景也是很優美的. 在這裏慢步或跑步, 也是一大樂事.

其間昌還發現一個4尺不到的老男人, 它穿了一身傳統韓服, 很有趣呢.

我們最後就選了這間, 無它, 因為又平又乾淨, 兩天的住宿才W60000. 簡直便宜到爆.

之後, 放下行李, 當然要好好瀏覽一下晉州啦, 而首先, 就係要食午飯了.我們入左一間韓國店食佢地好傳統的湯飯, 好好味, 不過辣到跳舞. 除非你選不辣, 否則有可能會中伏的.

呢碗飲落好似酸梅湯的飲料, 唔好睇少佢, 很解辣的.
食到清光.
食飽了, 沿河步行.

風景係就係好靚, 但沿途要少心唔碰到樹, 因為所有樹上, 都是舖滿了蛛網的….多到好似聖誕節D聖誕樹咁.

逛完晉州市, 天色又開始暗, 又係時候食晚飯. 食咩, 當然係烤肉啦, 佢地最出名的了.

兩位食了合共W21800. 回旅店前, 買了韓國蘋果6個, W5000, 及水一樽.