20年前, 我和昌的蜜月旅行就是日本東京. 20年後今天再次來東京.
在香港機場等待上機.
過關排咗差唔多個幾鐘, 出咗關重要即刻拿拿林去b1嗰度落去兌換個jr pass. 兌換完jr pass馬上亦都攞埋去盛岡新幹線車飛同埋去東京嘅Nex車票.
而呢張係而家採用嘅jr pass,同以前唔同,佢而家嘅作用同車票一樣係入票機, 上面嗰兩張可以話係receipt,唔可以用嚟入票機嘅.
晚飯喺呢間”機丸水產”食飯. 呢間食店我只比70分, 價錢唔算貴但係唔係樣樣水產都新鮮！尤其係啲蝦, 勁唔新鮮! 好在其他都OK, 尤其是貝殼類, 來這裏食, 吃貝類會覺得好正, 抵食好多.
今日 由落機到夜晚搵酒店, 一直係咁落雨. 好影響心情. 由於有20年冇嚟東京, 唔記得咗火車站同地鐵站係分開嘅, 搵個地鐵站口搵到嘔電. 去到酒店check in已經 晚上12點了