經過了連日來忙碌的工作, 終於又到放假時候了.
之前每次, 我都會有意無意希望可以hit到自己的生日.
總想自己每次過生日, 都在不同心情下渡過.
但今年實在忙得很, 唔想掛住玩, 以至影響公司的生意, 於是planning的日子中, 今年有一天是佛誕. 也或許 這樣可以感受到一個不一樣的台灣吧.
Day 1 台北市, 基隆夜市–(廟口夜市)
今天12:45分到了桃園機場, 正諗住checkout時, 竟給我們遇到香港跑友! 原來他們特地來參加台灣淡水馬拉松比賽!! 而且更是今天到, 明天比賽和回港 真是hurry得很呢. 我就諗, 或許出年我練習得好D, 也可以參加呢個比賽, 之後再順道遊台, 也是個不錯的選擇呢.
本來, 他鄉遇熟人, 是一件很開心的事, 但就因為咁而知道原來網上申請台証可以免費 , 而我們就白白浪費了TWD$300/人…..即成TWD$600 . 唔知道還好, 知道後肉赤到想死.
[AdSense-A]
本以為只是少少的出師不利啦,點知到去基隆時, 買火車票, 當時2:30pm左右, 昌走了去排隊買火車票, 我去自動售票機, 買火車票自強號, 竟然是16:55分班次!!(買時睇唔到係幾點出發) 自強號係快D, 但出發時間太晚, 白白又浪費了2小時有多. 不但貴了, 仲浪費了時間, 唉.
多左時間, 於是我地諗住去番上次來台北最喜歡吃的那一間牛肉麵店, 結果是店舖依舊但人面全非, 不論是食物質素還是種類, 都大大不同, 真是很失望.
逛著逛著, 給我們看見了野訊門市. 老闆娘人很熱情呢.
重遊西門町
[AdSense-A]
去到基隆因為太晚, 旅行中心剛關閉!! 拿不到基隆街道圖….而我手機, 又因為之前的地圖太大, 之前預先上載的地圖出唔到個圖樣, 事先找好的資料, 結果派不上場, 於是漫無目的的行了幾條街, 都找不到酒店 . 我明明記得網上話好多酒店, 但就因唔知位置找極都找不到……當自己背著大背包, 人又累, 那知味真的不好受呢. 後來, 昌眼利, 望到幾條街開外的一間飯店, 我們便拿拿林飛撲過去, 結果, 比人殺到一頸血. ( 當時個心真係覺得附近再無第二間酒店的, 所以先會入住….後來,當然唔係果回事啦. 仲搵到一間只須TWD1000/晚的呢 🙂
就係咁, 初到埗就因為出師失誤而白白浪費了千多元的台幣. 心情當真不會好到那裏.
於是, 我同昌決定晚上吃好d, 以彌補心靈上的不快, 就去找網上有網友推薦講話很好吃的加賀無煙烤肉店….點知找了很久, 才發現該店已不在.
今天到底是怎麼了?? 諸事不順!!
