Day 5, 台灣, 礁溪, 五峰旗瀑布, 聖母山,

今天一早收拾好行李便搭公車到端芳去. 一到端芳, 第一時間就是找地方上網! 因為有個客戶叫晒救命, 而我只好立刻找地方上網. 說起上網, 之前九份間7eleven叫我去買張7wifi一日通TWD50, 到我去到端芳買左一日通, 個服務員才告訴我要做會員先用得! 會員? 點做丫, 我又無當地手機號碼, 申請都收唔到確認短訊啦! 幸好
個7仔服務員他肯代我申請成為會員, 先至令我可以上到網.

真係要講多句, 台灣人一般真係好到加0一, 好多時都好肯幫助人, 我呢D遊客, 實在受佢地恩惠唔少呢.

因為搞上網都搞左成一小時, 我們於是立刻走去火車站買”自強號”落礁溪, 因為會快好多. 當我和昌上到火車坐定, 就見到一對十下十下的小情侶誤了下車, 正要下車時, 火車已關門! 於是乎, 佢就要無端端搭到頭城…. 要坐番轉頭真係有排等囉.



<<礁溪火車站






<<我們入住的泡湯旅館
[AdSense-A]

到了礁溪, 天氣繼續放晴. 礁溪比我的感覺好正, 0岩晒渡假的朋友來, 街道又闊又整潔, 人不多, 旅館一街都係, 唔洗怕訂不到住宿, 一街都是泡湯館, 要玩要享受完全不成問題, 食方面有貴有平, 而且質素都唔錯. 總知是令人好relax. 我們也定了一間泡湯館, TWD960包風呂泡湯, 免費上網, 免費借單車. 不要以為咁平就唔好, 房間整潔乾淨, 有獨立浴缸可以比你在房中泡湯. (當然係咪真係溫泉水就真係成疑, 但勝在設備齊, 每天都會執房, 比一般旅館服務認真多了. )

咁好的旅館, 當然是立刻沖番個靚涼比自己開心下 , 加上連日來不斷行山, 成個人真的會累, 有溫泉舘泡下可以令人疲勞盡去!! 真的很期待. (因為要等到下午5時過後才開放呢) 等安頓好後, 我們便出發去五峰旗瀑布.


<<礁溪大街

<<在附近找了間店子吃便當

<<沿途的古怪大樓

<<五峰旗瀑布旅遊中心



<<老爺大酒店
其間經過這一間我覺得是全礁溪最靚最豪華的旅館”老爺大酒店”,聽說任智剛同老婆渡假都係入住呢間酒店的.
五峰旗瀑布風景:





[AdSense-A]




















去到景點, 這個瀑布分三段, 由於是容易到達的景點, 所以也頗受歡迎.一般1小時左右就行完.
聖母山景點:

而當瀑布再過去, 可以行聖母山. 由五峰旗瀑布接行五峰旗步道, 就會接入聖母山登山口, 又這裏開始會一路梯階往上走, 到頂就是聖母山頂. 上面有個十架耶穌像. 記得當日, 我們行到聖母山登山入口, 就看見當地一班山友剛駕車到登山口前拍照及登山, 我們沒有理會,開始行山, 那知有個當地人見到我地行速, 首先過了我, 之後就追著昌, 我和昌當時只得二~三十米距離咁遠, 那山友上山速都幾快, 心想, 唔知昌會唔會比佢追到呢? (因為多日來我們都係咁行, 其實話唔累就是騙你的. ) 點知上到山我問昌, 昌話果個人燈尾都見佢唔到! 昌上到山之後9~10分鐘佢先到! 真係諗唔到昌仲可以咁樣行速上山! 之後佢地仲好賞識我地咁請我地飲茶同食菠蘿, 我地當然同佢地講我地係香港人啦, 為香港人爭光不少.


<<回程時近距離影老爺大酒店
之後我們原路番番去酒店, 當時已是下午四時多, 回到酒店沖個涼後,就到酒店風呂溫泉泡一泡. 可能是人家剛放水(5點才開), D水熱到完全泡不來, 加上連日暴曬後, 皮膚本來熱少少都痛, 所以泡兩泡我就要走了. 連個身都浸唔到入水…只係泡了腳.





晚上到附近吃火鍋, 才TWD228一位, 任吃2小時, 很抵食, 我發覺我呢次旅遊,根本是增肥之旅.

在〈Day 5, 台灣, 礁溪, 五峰旗瀑布, 聖母山,〉中有 1 則留言

  1. 話說第一日到達礁溪就去五峰旗瀑布,問旅館老闆步行距離,佢話2公里…其實由旅館到瀑布口起碼5公里,睇完瀑布再上聖母山,點知阿轉遺失把雨傘係瀑布頂,佢又行多次長長石級拎番把傘..跟住行多3公里石屎路去登山口…
    上到登山口,見到兩輛吉普車和一隊行山友..我同轉一起行上山時,突然有個男人眼超超跟住我地後面…我感覺對方有強烈挑機氣味,我稍為加快..大約20米,回頭看見個男人已追上轉..跟住笑笑口…跟住我心諗..你老味ar..唔通今次俾你陰到,
    事關連日係咁行山,已經冇咩飯派…但又冇可能企係度投降姐…於是試下跑上山啦,又得喎…仲愈跑愈順..但又唔敢谷盡…
    點知人地咩料呀..當然要留番張刀先啦…不消一陣,我知道條友同我有好大距離…但也沒有考慮放慢…過引麻…結果..上到頂快佢9分有多…阿轉都係佢十幾秒到…佢見到我地個面色好難睇..更加係咁望住阿轉…(我心諗..你今次偷襲成功炸)

    題外話:當我上到山頂時,見到有一班行山人士,但沒有理會我,但當果個想界我既男人到左之後…我和阿轉就受到他們邀請飲茶,吃鳳梨…還大讚我們厲害…但果個男人就一直面懵懵…同係山下既得x樣判若兩人…

發佈留言