今次要做的海帶綠豆沙和一般出面食果d唔同. 係起晒沙但無渣果隻. 好好味ga.

我呢隻煲的時間短d, 但功夫就多d
營養唔在講.
海帶富含多種微量元素。在所有食物中，海帶的含碘量最高，每100克海帶中含有300毫克—700毫克碘。我國古代早有記載，海帶（即昆 布）能軟堅散結，能使血通氣暢，腫塊消退。海帶中所含的熱量較低，膠質和礦物質較高，易消化吸收，抗老化，吃了後不用擔心發胖，是理想的女性健康食品。

绿豆性味甘凉，有清热解毒之功。夏天在高温环境工作的人出汗多，水液损失很大，体内的电解质平衡遭到破坏，用绿豆煮汤来补充是最理想的方法，能够清暑益气、止渴利尿，不仅能补充水分，而且还能及时补充无机盐，对维持水液电解质平衡有着重要意义。绿豆还有解毒作用。

之前去蒲苔島時, 買0左好多手信, 其中一樣就係海帶!
其實本人從未處理過海帶. 連個樣係點都唔係好知.
(今次整前, 仲要特地上網睇吓海帶咩樣, 因為當時買0左好多, 有海草, 海帶, 昆布同紫菜, 除了紫菜, 其他都唔知邊樣打邊様.. )
係當時其中一個行友besty猛話海帶好, 有益又容易煮. 又提議可以煲海帶綠豆沙….
我諗吓, 都可以一試, 就買0左一大包番屋企.

近日天氣乾燥, 昨天第一次做, 出來效果都唔錯!
當然. 做前資料做足d, 成功已一大半!!

現在講講製作方法: (圖文並茂)

材料:
綠豆. 海帶, 冰糖 . (按個人喜好可加臭草或果皮, 但因我不喜歡, 所以無加.)
今次我做的份量, 大約如圖所示. (但海帶做起來就覺得多了一倍, 可以按圖的減半份量)

做法:
1. 先把綠豆洗過, 用大約1比7~8 的水量去煲綠豆. (煲大約40分鐘. 中火)
* 由於我的作法有別於一般, 所以要為了口感, 建議不要下大多水.
(網上有1:10的比例的, 不過都係果句. 濃淡隨自己喜歡)
2. 煲綠豆的同時, 可以洗吓d海帶, 把它切成絲.
3. 把煲好的綠豆, 水同綠豆分開, 水一會兒用. 綠豆呢, 用盛器放好.
4. 用隔篩隔開, 用匙把豆壓成豆蓉, 剩下的豆殼豆渣不要!

(呢個就係點解水比例要少些的原因, 因為比一般豆沙, 佢無渣. 但有沙)
5. 之後, 把豆蓉放回之前煲綠豆的水. 此時, 加入海帶, 加入冰糖.
冰糖份量隨個人喜好. 等糖煮溶, 再滾起就食得!!

係咪好簡單呢! 🙂 食落吃晒沙又好味!
製作時間大約1小時30分左右, 手腳快者仲可以快d添!