士多啤梨藍莓忌廉蛋糕 製作

其實呢個蛋糕, 係我第三次做lu..
第一次做果時, 買錯了用來烹調的忌廉, 結果, 成個蛋糕都要報廢…..
第二次, 因為係實驗性質, 個蛋糕做得好核突. 所以唔多敢POST上來,
今次係第三次做, 終於做得似番個樣, 但是, 裝飾技術實在有待改進呢.

其實我呢個蛋糕好簡單, 製作也一字咁淺. 但味道都OK. 因為材料都是現成買 ,想食咩 水果就買咩水果. 加上去就得. 只係要注意的是, 水果用前可以先雪一雪, 一方面凍D, 做的時候好D, 另一方面可以抽乾水果表面水份, 效果好D.

材料:

士多啤梨藍莓忌廉蛋糕1

一個事前做好的戚風蛋糕/海綿蛋糕. 如你要做個8″忌廉蛋糕, 那你做的蛋糕底最好是7″, 海綿蛋糕的製作方法可參照: http://fiona.lovenature2007.com/?p=1058
一碗裝飾用甜忌廉<–多少隨意, 我呢個蛋糕就用了半盒.
一些士多啤梨和藍莓

製作如下:

步驟1.
把預先做好的蛋糕, 把底同面去了薄薄一層蛋糕不要.  餘下的平均開成3層.

步驟2.
把甜忌廉用電動打蛋器打至成剃鬚膏狀. (強烈建設用電動打蛋器, 否則打到手軟 )

士多啤梨藍莓忌廉蛋糕2

步驟3. 在第一層蛋糕塗上薄薄一層甜忌廉.

士多啤梨藍莓忌廉蛋糕3

步驟4 之後放水果, 再塗上薄薄一層甜忌廉.

士多啤梨藍莓忌廉蛋糕4

步驟5

士多啤梨藍莓忌廉蛋糕5

蓋上第二層蛋糕, 用手輕輕壓一下, 把兩層蛋糕貼實一點, 也可把多餘忌廉壓出. 之後重覆步驟3和步驟4.

步驟6, 最後呢個過程, 就最考功夫, 也最考起我. 就是把個蛋糕用忌廉塗得滿滿同好睇. 真係好困難. 好講隻手的力度. 因為我沒有蛋糕轉盤. 😕

士多啤梨藍莓忌廉蛋糕6

最後了, 上面D水果點放, 你喜歡, 我呢, 覺得”吱”上面D忌廉花最難. 錯左無得重做,
呢個就係完成的樣子.

士多啤梨藍莓忌廉蛋糕7

 

發佈留言